Türkiyənin Sakariya vilayətinin Hendek rayonunda fişəng fabrikində partlayış olub. Səhiyyə naziri Fəxrəddin Qoca bildirib ki, hadisə nəticəsində 2 nəfər ölüb, 73 nəfər yaralanıb.
Fabrikin anbarında 110 ton partlayıcı olduğu deyilir.
Prezident Rəcəb Tayyib Ərdoğanın tapşırığı ilə Daxili İşlər naziri Süleyman Soylu, Sosial Xidmətlər və Ailə naziri Zəhra Zümrüd Səlcuq da hadisə yerinə gediblər.
Hendekin bələdiyyə başçısı Turgut Babaoğlu 3-4 il əvvəl də eyni fabrikdə partlayış olduğunu, ancaq ölən və yaralanan olmadığını açıqlayıb.
