Sərhədsiz Reportyorlar və beş qitədəki onlarla mətbuat azadlığı, insan hüquqları , gizlilik hüquqları təşkilatı “WikiLeaks”ın qurucusu Culian Assancın dərhal azad edilməsi tələbi ilə Britaniya hökumətinə açıq məktub yazıblar.
Məktubda deyilir ki, ictimai maraqlar üçün doğru məlumatların dərc edilməsinə görə ilk dəfədir belə ittiham irəli sürülür. Bu, məlumatın yeniliyindən asılı olmayaraq jurnalistin hərəkətinin kriminallaşdırılması baxımından təhlükəlidir.
Cənab Assancın ABŞ-a göndərilməsi ölüm hökmünə bərabərdir”
deyə açıq məktubda vurğulanır.
Məktubda Britaniya hökuməti Assancı təxirə salmadan azad etməyə və onun ABŞ-a verilməsinı mane olmağa çağırılıb.
Nə baş verib: Hazırda Belmarşda 49 yaşını tamamlayan naşir ittiham olunduğu ABŞ-a ekstradisiya oluna bilər. ABŞ hökuməti isə Assancı məlumat əldə etməkdə, saxlamaqda, gizli məlumat yaymaqda və onları dərc etməkdə ittiham edir. Mühakimə ediləcəyi təqdirdə Assancı 175 ilədək həbs cəzası gözləyir.
Assanc kimdir: Culian Assanc 10 ilə yaxındır ki, nəşrlərinə görə təqib olunur. O, 2012-ci ildə ABŞ-ın irəli sürdüyü ittihamlardan sonra Ekvador hökumətindən sığınacaq istəyib və Londondakı Ekvador səfirliyinə daxil oldu. 2019-cu ilin aprelində isə Ekvador ona verilən sığınacağı ləğv edib və Assanc ABŞ-ın tələbi ilə İngiltərə polisi vasitəsilə saxlanılıb.