Braziliya Jurnalistlər Birliyi prezident Jair Bolsonaronu məhkəməyə verəcəyini açıqlayıb.
BBC yazır ki, buna səbəb prezidentin koronavirus testinin pozitiv çıxdığını açıqlarkən yaxşı olduğunu göstərmək üçün müxbirlərin qarşısında maskasını çıxarmasıdır.
Qurum iddia edir ki, mətbuat konfransı zamanı bir neçə addım geri çəkilən Bolsonaro sosial məsafə qaydalarına əməl etməyib və jurnalistlərin həyatına təhlükə yaradıb.
Ölkə ictimai sağlamlığa təhlükə yaradan bu davranışa qarşı səssiz qala bilməz”
deyə qurumun prezidenti Paulo Jeronimo de Souza bildirib.
Bundan əvvəl Ali Məhkəmə Bolsonaro üçün maska taxmağa məcbur edən qərar çıxarmışdı.
Koronavirus pandemiyasını əhəmiyyətsiz göstərməyə çalışmaqda günahlandırılan Bolsonaro,virusa yoluxmağı yağışa düşməklə müqayisə edərək “Bir gün hamımız islanacağıq” deyib.
