Hesablama Palatası 2018-2019-cu illərdə dövlət büdcəsindən ayrılan vəsaitlərin icrasına dair uyğunluq auditinin nəticəsi açıqlanıb.
Dövlət büdcəsindən Səhiyyə Nazirliyinin İnnovasiya və Təchizat Mərkəzi publik hüquqi şəxs üzrə aparılmış audititdən sonra aşağıdakı nəticələr müəyyən edilib:
- Proqnoz layihələri tərtib edilərkən ümumi təyinatlı dərman vasitələrinin alınması üçün zəruri büdcə vəsaitinin proqnozlaşdırılması zamanı bir xəstəyə düşən xərc məbləği üzrə normativlər tətbiq olunmayıb
- Hər ilin sonuna anbarda mövcud olan dərman qalığı nəzərə alınmayıb, tibb müəssisələrindən müvafiq sifarişlər tələb edilməyib
- Qeydiyyatda olan xəstələrin sayının və tibb müəssisələrində icra olunan çarpayı günlərinin, habelə aparılmış müayinələrin sayının dəyişməsi üzrə məlumatların təhlili tam həyata keçirilməyib
- Bir çarpayı gününə və ya bir xəstənin müalicəsinə düşən tibbi təyinatlı vasitələrə tələbatlar tam nəzərə alınmayıb
- 2019-cu ildə bağlanılmış müqavilələrdə alınacaq dərman vasitələrinin yararlıq müddəti əsas göstərilmədən endirilib
- Hemofiliya, şəkərli diabet, xroniki böyrək çatışmazlığı üzrə, vərəmlə mübarizə üzrə, dağınıq skleroz xəstəliyinin müalicəsi, qanın bədxassəli xəstəlikləri ilə mübarizə nəzərdə tutulmuş bəzi tədbirlərin müəyyən olunmuş müddətdə icrası təmin edilməyib
