Azərbaycan Müdafiə Nazirliyinin bu gün yaydığı rəsmi məlumata görə, Ermənistanla sərhədin Tovuz istiqamətində döyüş başlayıb. Məlumatda bildirilir ki, 12 iyul günorta saatlarından Ermənistan tərəfi atəşkəsi pozaraq artilleriya atəşinə başlayıb.
Nəticədə hər iki tərəf itki verib. Azərbaycan ordusunun isə 2 əsgəri həlak olub, 5 nəfər yaralanıb.
Ermənistan nə deyir: Ermənistan Müdafiə Nazirliyinin sözcüsü Şuşan Stepanyan isə “Facebook”-da yazıb ki, bu gün dövlət sərhədini Azərbaycan tərəfi pozub və Ermənistan tərəfi itki verməyib:
Azərbaycan hərbçiləri UAZ avtomobili ilə bu gün Tovuz istiqamətində dövlət sərhədini pozub. Xəbərdarlıq olunandan sonra onlar avtomobili ərazidə tərk edərək geri çəkilib. Bundan sonra Azərbaycan tərəfi artilleriya atəşinə başlayıb. Azərbaycan itki verərək geri çəkilib, Ermənistanın itkisi yoxdur.
