Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib.
Müdafiə Nazirliyinin yaydığı məlumata görə, artilleriya, minaatan və tankların tətbiqi ilə gedən gecə döyüşlərində Azərbaycan bölmələrinin atəşi ilə qarşı tərəfin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi sıradan çıxarılıb.
Döyüşdə Azərbaycan ordusunun baş leytenantı Rəşad Mahmudov həlak olub.
Bununla da, həlak olan Azərbaycan hərbçilərinin sayı 4-ə çatıb:
Vüqar Sadıqov
Elşad Məmmədov
Daşdəmirov Xəyyam
Rəşad Mahmudov
MN bildirir ki, qarşı tərəf itkilər barədə məlumatları gizlədir.
Nə baş verib: İyulun 12-dəTovuz rayonu istiqamətində atəşkəs pozulub. Azərbaycan MN-nin məlumatına görə, Ermənistan silahlı qüvvələri tərəfindən Azərbaycanın mövqelərini atəşə tutublar.
