Koronavirus pandemiyası ilə mübarizədə dəstək üçün 115 kubalı həkim Azərbaycana gəlib.
“Report” yazır ki, həkim heyəti Azərbaycanın tibb işçiləri üçün məsləhətləşmələr aparacaq, xüsusi problemli bölgələrdə tibbi xidmətin göstərilməsi işinin təşkilinə köməklik göstərəcək.
Həmçinin ölkədə epidemioloji vəziyyəti sabitləşdirmək üçün ambulator və xəstəxana mərhələlərində müalicə ilə bağlı Kuba təcrübəsinin bölüşəcəklər.
Tibbi heyət 3 ay müddətində Azərbaycanda olacaq.
Bundan əvvəl Rusiyadan 22, Türkiyədən isə 19 həkim heyəti Bakıya gəlib.
İndiyədək Azərbaycanda 24570 nəfərdə koronavirusa yoluxma aşkarlanıb, 313 nəfər ölüb,15 640 nəfər müalicə olunaraq sağalıb.
