İyulun 13-dən 14-ə keçən gecə Tovuz rayonu ərazisində döyüşlər davam edib.
Müdafiə nazirinin müavini Kərim Vəliyev deyib ki, səhər saatlarında gedən döyüş zamanı Azərbaycan ordusunun general-mayoru Polad Həşimov, polkovniki İlqar Mirzəyev həlak olub.
Müdafiə Nazirliyinin məlumatında bildirilir ki, döyüşlər nəticəsində hərbi qulluqçular – mayor Namiq Əhmədov, mayor Anar Novruzov, gizir İlqar Zeynallı, gizir Yaşar Babayev və müddətdən artıq həqiqi xidmət hərbi qulluqçusu, əsgər Elçin Mustafazadə həlak olub.
İyulun 14-də Ermənistan tərəfindən Tovuz rayonu istiqamətində açılmış artilleriya atəşi nəticəsində mülki şəxs də həlak olub.
Həlak olan şəxs Tovuz rayonunun Ağdam kəndinin sakini, 1944-cü il təvəllüdlü Əziz Əzizovdur.
