Tovuz rayonunun Dondar Quşçu kənd sakini azyaşlı Nərmin Quliyevanın qətlində təqsirləndirilən İlkin Süleymanov barəsində seçilmiş həbs qətimkan tədbirin uzadılması ilə bağlı istintaq orqanının təqdimatına baxılıb.
APA yazır ki, təqdimata iyulun 18-də Nəsimi rayon məhkəməsində baxılıb.
Təqsirləndirilən şəxsin vəkili Əlibaba Rzayev bildirib ki,istintaq orqanının təqdimatı təmin olunub və İ.Süleymanov barəsində seçilmiş həbs qətimkan tədbirinin müddəti 5 ay uzadılıb.
Nə baş verib: Ötən il noyabrın 19-da itkin düşən 10 yaşlı Nərmin Quliyevanın qətlə yetirilərək yandırılan meyiti bu il yanvarın 6-da kənd ərazisində tapılıb.Üç gün sonra hüquq-mühafizə orqanları şübhəli şəxs qismində İ.Süleymanovu saxlayır.
Ona qarşı Cinayət Məcəlləsinin 120 (qəsdən adam öldümə) və 145-ci (qanunsuz azadlıqdan məhrum etmə) maddələrilə ittiham irəli sürülüb.
İ.Süleymanovun ailə üzvləri onun bu cinayəti törətmədiyinə deyirlər. Bildirirlər ki, onların evində N.Quliyevanın 1 aydan çox saxlandığı deyilən otağa dəfələrlə daxil olublar, orada kimsə olmayıb.
