Azərbaycan Xalq Cəbhəsi Partiyası (AXCP) sədrinin müşaviri Məmməd İbrahimin oğlu, futbol məşqçisi Mehdi İbrahim haqqında həbs qərarı verilib.
Bu barədə M.İbrahimin qardaşı Turan İbrahim məlumat yayıb.
İyulun 22-də Xətai Rayon Məhkəməsinin verdiyi qərarla M.İbrahim haqqında ilkin istintaq dövrü üçün 3 aylıq həbs-qətimkan tədbiri seçilib. Ailə üzvləri bildirir ki, M.İbrahimin siyasətə heç bir bağlılığı yoxdur və atalarının siyasi baxışına görə cəzalandırılır.
M.İbrahim Cinayət Məcəlləsinin 139-1.1 (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsilə ittiham olunur.
139-1.1-ci maddədə hansı cəzalar nəzərdə tutulur: 2500 manatdan 5000 manata qədər cərimə, 3 ilə qədər azadlığın məhdudlaşdırılması və ya 3 ilə qədər azadlıqdan məhrumetmə.
Nə baş verib: İyulun 15-də orduya dəstək məqsədilə keçirilən Qarabağ yürüşündən sonra 30-a yaxın AXCP fəalı həbs olunub. Onların əksəriyyəti barəsində cinayət işi başlanıb, bəziləri haqqında 30 sutkalıq inzibati həbs qərarları verilib.
Partiya nə deyir: AXCP hesab edir ki, bu həbslər tamamilə əsassızdır, eyni zamanda siyasi sifarişdir.
Niyə siyasi sifariş hesab edir: Prezident İlham Əliyev iyulun 15-də keçirilmiş yürüş barədə Nazirlər Kabinetinin iclasında fikirlərini bölüşüb. O, həmin çıxışda yürüşdə törədilən təxribata görə, AXCP fəallarını ittiham edib
