Ədliyyə Nazirliyinin Penitensiar Xidmətinin 2 saylı Cəzaçəkmə Müəssisəsində koronavirusa yoluxanlar olduğu deyilir.
Bunu Mikroskop-a həmin cəzaçəkmə müəssisəsində saxlanılan Gəncə məhbusu Mirzə Hüseynovun anası Etibar Hüseynova deyib.
E.Hüseynova bildirib ki, bu barədə ona oğlu iyulun 26-dakı telefon zəngində məlumat verib:
Oğlum dedi ki, artıq 2 saylı müəsisəsədə də koronavirusa yoluxma halı qeydə alınıb, dəqiq say deməsə də bir neçə nəfəri yoluxma dianoqnozu ilə apardıqlarını bildirdi.”
E.Hüseynovanın sözlərinə görə, Penitensiar Xidmətin qaynar xəttindən də bu faktı təsdiqləyiblər.
Başqa hansı CÇM-lərdə yoluxma var: Rəsmi məlumata görə, ən son 3 Cəzaçəkmə Müəssisəsində yoluxma qeydə alınıb:
12 saylı CÇM – 11
14 saylı CÇM – 5
4 saylı CÇM – 2
Bunu Operativ Qərargahın iyulun 10-dakı brifinqində Prezident Administrasiyasının Xarici siyasət məsələləri şöbəsinin müdiri Hikmət Hacıyev açıqlayıb.
