Azərbaycan Xalq Cəbhəsi Partiyasının (AXCP) iyulun 26-da saxlanılan üzvü Məmməd İbrahimin ittiham olunduğu maddələrin sayı artırılıb. Ona Cinayət Məcəlləsinin daha 2 maddəsi ilə ittiham irəli sürülüb.
Maddələr:
- Cinayət Məcəlləsi, 233 – ictimai qaydanın pozulasına səbəb olan hərəkətlər təşkil etmə
- Cinayət Məcəlləsi, 315 – hakimiyyət nümayəndəsinə zor tətbiq etmə
- Cinayət Məcəlləsi, 186.2.1 – Özgə əmlakını qəsdən məhv etmə və ya zədələmə zərərçəkmiş şəxsə külli miqdarda ziyan vurmaqla törədildikdə
- Cinayət Məcəlləsi, 278.1 – Konstitusiyaya zidd olaraq hakimiyyətin zorla ələ keçirilməsinə, yaxud dövlətin konstitusiya quruluşunun zorla dəyişdirilməsinə yönələn hərəkətlər
Nəsimi Rayon Məhkəməsinin qərarı ilə bu gün onun barəsində 4 ay həbs qətimkan tədbiri seçilib.
Nə baş verib: İyulun 15-də orduya dəstək məqsədilə Bakıda keçirilən Qarabağ yürüşündən sonra 30-dan çox AXCP fəalı saxlanılıb. Onlardan 14 nəfər cinayət işinə şübhəli şəxs qismində cəlb edilib, 10 nəfər dindirildikdən sonra sərbəst buraxılıb, digərləri isə inzibati həbs cəzaları alıb.
Partiya nə deyir: AXCP hesab edir ki, bu həbslər tamamilə əsassızdır, eyni zamanda siyasi sifarişdir.
Niyə siyasi sifariş hesab edir: Prezident İlham Əliyev iyulun 15-də keçirilmiş yürüş barədə Nazirlər Kabinetinin iclasında fikirlərini bölüşüb. O, həmin çıxışda yürüşdə törədilən təxribata görə, AXCP fəallarını ittiham edib
