Rusiyanın paytaxtı Moskvada ermənilərlə azərbaycanlılar arasında həbs edilənlər var.
TASS yazır ki, Moskva məhkəmələri 15 nəfərin həbsi barədə qərar çıxarıb.
Belə ki, əslən Ermənistandan olan 7 nəfər Cinayət Məcəlləsinin 213-cü maddəsinin 2-ci hissəsi (bir qrup şəxsin tərkibində xuliqanlıq) üzrə ittihamla həbs edilib.
Eyni maddə ilə 8 azərbaycanlının həbs edildiyi deyilir.
Nə baş verib: İyulun 12-14-də Azərbaycan-Ermənistan sərhəddindəki gərginliklə əlaqədar dünyanın bir neçə ölkəsində ermənilərlə azərbaycanlılar arrında toqquşma yaşanıb. İyulun 24-də Moskvanın müxtəlif bölgələrdində baş verən toqquşmalar da bunlardan biridir. Kütləvi dava zamanı bir neçə kafeyə, avtomobilə və digər kommersiya obyektlərinə ziyan dəyib.
