Azərbaycan Xalq Cəbhəsi Partiyasının Rəyasət Heyətinin üzvü Məmməd İbrahim də Qarabağ yürüşündə iştirakına görə cinayət məsuliyyətinə cəlb edilib.
Partiyanın iyulun 27-də yaydığı məlumata görə, M.ibrahim Cinayət Məcəlləsinin 233 (ictimai qaydanın pozulasına səbəb olan hərəkətlər təşkil etmə ) və 315-ci (hakimiyyət nümayəndəsinə zor tətbiq etmə) maddələrilə ittiham edilir.
Bu gün onun məhkəmə qarşısına çıxarılacağı gözlənilir.
M.İbrahimin oğlu Mehdi İbrahimov da Qarabağa dəstək yürüşündə iştirakından sonra həbs edilib və barəsində 3 aylıq həbs-qətimkan tədbiri seçilib.
O,CM-nin 139-1.1 (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsilə ittiham olunur.
Nə baş verib: İyulun 15-də orduya dəstək məqsədilə keçirilən Qarabağ yürüşündən sonra 36 AXCP fəalı həbs olunub. Onların əksəriyyəti barəsində cinayət işi başlanıb, bəziləri haqqında 30 sutkalıq inzibati həbs qərarları verilib.
Partiya nə deyir: AXCP hesab edir ki, bu həbslər tamamilə əsassızdır, eyni zamanda siyasi sifarişdir.
Niyə siyasi sifariş hesab edir: Prezident İlham Əliyev iyulun 15-də keçirilmiş yürüş barədə Nazirlər Kabinetinin iclasında fikirlərini bölüşüb. O, həmin çıxışda yürüşdə törədilən təxribata görə, AXCP fəallarını ittiham edib