“Microsoft” qurucusu, “Bill və Melinda Geyts” fondunun həmsədri Bill Qeyts koronavirus testlərinin çoxunun “israfdan başqa bir şey olmadığını” deyib.
Qeyts buna səbəb kimi test nəticələrin çox gec bilinməsini göstərib.
CNBC-ə danışan Qeyts virusu daşıyan insanların başqalarına yoluxmaması üçün nəticələrin daha tez gəlməli olduğunu vurğulayıb:
”Cavabları üç günlə bir həftə arasında bilinən testlərə görə pul ödəmək ağılsızlıqdır”.
ABŞ-ın səhiyyə nazirinin köməkçisi Brett Giroir da test cavablarının gec çıxdığını qəbul edib: “Cavabları 24 saat ərzində əldə edə bilməliyik. Lakin hələki o nöqtədə deyilik”.
Giroir bildirib ki, koronavirus testləri kommersiya laboratoriyalarında aparılır və nəticə əldə etmək üçün ortalama vaxtın 4.27 gün lazım olur.
İndiyədək dünyada 17 milyondan çox insan koronavirusa yoluxub ki, bunun 4,5 milyonu ABŞ-ıın payına düşür. Bu ölkədə 153 mindən çox insan koronavirusun qurbanı olub.
