Ukrayna və İran nümayəndə heyətləri bu ilin yanvarında Tehran yaxınlığında vurulan Boeing təyyarəsi ilə bağlı danışıqları başa çatdırıblar. İranın xarici işlər nazirliyinin rəsmisi Abbas Musəvi bildirib ki, 11 ukraynalı da daxil olmaqla 176 sərnişin və ekipaj üzvü həlak olduğu qəzaya görə ölkəsi Ukraynaya təzminat ödəməyi qəbul edib.
Bu təyyarədəki sərnişinlərin çoxu həmvətənimiz idi, lakin təyyarədə Ukrayna vətəndaşları da var idi. Bu mövzuda danışıqlar davam edir. İran bu düşünülməmiş addıma görə məsuliyyəti öz üzərinə götürüb və biz öhdəlikləri yerinə yetirməyə çalışır”
A.Musəvi deyib.
Ukraynanın Xarici İşlər Naziri Dmitri Kuleba bildirib ki, aviaşirkətin və öldürülən ukraynalıların yaxınlarının alacağı kompensasiyanın miqdarı hələ müəyyənləşməyib.
İran bundan əvvəl qəzada həlak olanların ailələrinə 80 min dollar təzminat təklif etmişdi. Lakin Ukrayna prezidenti Vladimir Zelenski bu məbləğin az olduğunu və səlahiyyətlilərə ödənişləri artırmaq üçün təzyiq edəcəyini demişdi.
Nə baş verib: Yanvarın 8- də Ukrayna Beynəlxalq Hava Yollarının sərnişin təyyarəsi Tehran beynəlxalq hava limanından qalxdıqdan az sonra vurulub. Təyyarədəki 176 nəfərin hamısı həlak olub.İran rəsmilərinə görə, İslam İnqilabı Keşikçiləri Korpusunun bazasından raketin təyyarəyə atılması təsadüfən baş verib.