Növbəti həftədən etibarən İngiltərədə 90 dəqiqədə nəticə verəcək koronavirus və qrip testi istifadə ediləcək.
BBC yazır ki, səlahiyyətlilər testin xüsusilə qış aylarında koronavirusu mövsümi qripdən ayırmaqda faydalı olacağını deyirlər.
Hazırda ölkədəki testlərin yarıdan çoxu 24 saat ərzində nəticə verir.
Yeni testləri istehsal edən Oksforddakı “Nanopore” şirkətinin baş direktoru Qordon Sanqera bununla da qlobal test çatışmazlığı probleminin həll oldunacağını deyib.
İngiltərədə son 24 saat ərzində 744 yeni yoluxma və 8 ölüm qeydə alınıb. Koronavirusa görə ölənlərin ümumi sayı 46201 nəfərə çatıb.
