İŞİD Əfqanıstanın Cəlalabad şəhərində yüzlərlə üzvünün də saxlanıldığı həbsxanaya hücum edib. The Associated Press yazır ki, bazar ertəsi baş verən hücum zamanı ən azı 29 nəfər ölüb, 50 nəfər yaralanıb. Ölənlər arsında mülki şəxslər, məhbuslar, mühafizəçilər və Əfqan təhlükəsizlik qüvvələri də var.
Kamikadze partlayıcı ilə dolu avtomobili həbsxananın yaxınlığında partladıb, ardınca silahlılar həbsxaya daxil olub. Hökumət qüvvələri ilə silahlılar arasında atışma 17 saat davam edib. Həbsxanadan qaçmağa cəhd göstərən 700 dustaq tutulub.
Hücuma görə məsuliyyəti İŞİD terror təşkilatına yaxın qruplaşmalardan birinin üzərinə götürdüyü deyilir.
Son zamanlar Əfqanıstanda zorakılıq halları artıb, hücumların əksəriyyətinin yerli İŞİD qruplaşması tərəfindən törədildiyi iddia edilir.
