Avqustun 5-dən Bakıdan rayonlara “icaze.e-gov.az” saytında qeydiyyatdan keçmiş və icazəsi olan şəxslər gedə biləcəklər. Bunu Daxili İşlər Nazirliyinin mətbuat xidmətinin rəhbəri Ehsan Zahidov deyib.
Nazirlər Kabineti yanında Operativ Qərargahın qərarına əsasən, Bakıda və daha 13 şəhər və rayonda sərtləşdirilmiş xüsusi karantin rejimi fəaliyyət göstərir.
Həmin şəhərlərdə və rayonlarda giriş-çıxışa nəzarət polis əməkdaşları və Daxili Qoşunların hərbi qulluqçuları tərəfindən həyata keçiriləcək.
Nazirlər kabinetinin avqustun 3-də keçirilən brifinqində ASAN xidmətin rəhbəri Ülvi Mehdiyev isə demişdi ki, rayonlara səfər üçün portalda qeydiyyat yox, yazılı ezamiyyət vəsiqəsi lazım olacaq.
