Livanın paytaxtı Beyrutda baş verən partlayışda 100-dən çox insanın ölümünə səbəb olan ammonium nitrat əvvəllər də böyük partlayışlara və həyat itkisinə səbəb olub.
Belçikada
İlk və ən məşhur partlayış 78 il əvvəl Belçikanın Tessenderlo şəhərində olub. Partlayışda 189 nəfər ölmüş, yüzlərlə insan yaralanmışdı.
Şahidlərin sözlərinə görə, Tessenderloda hər evdən ən azı bir nəfər ölmüşdü. Şəhəri tamam məhv edən partlayışın nasist iş adamları tərəfindən törədildiyi iddia edilsə də, sonradan bunun insan xətası səbəbindən baş verdiyi ortaya çıxıb.
Amerikada
Ammonium nitratının partlaması ilə ən çox itki 1947-ci ildə ABŞ-ın Texas ştatında yaşanıb.
İki gəmidə baş verən yanğından sonra ammonium nitratının partlaması nəticəsində 600 nəfər öldü.
Texasda gübrə fabrikində eyni səbəbdən 2003-cü ildə baş verən partlayışda 12 nəfər ölür, azı 200 nəfər yaralanır.
Fransada
2001-ci ildə Fransanın Tuluza şəhərindəki kimya zavodunda ammonium nitratının partlaması nəticəsində 31 nəfər ölüb.
Partlayışda 2 min 500 nəfəri ağır olmaqla 8 min nəfər yaralanır. Əvvəlcə ”Terror hücumu” olduğu düşünülən hadisənin sonradan ammonium nitratın xlorlu məhsulla təmas nəticəsində baş verdiyi ortaya çıxdı.
Çində
2015-ci ildə Çinin Tianjin şəhərində bir anbarda eyni səbəbdən baş verən partlayış nəticəsində 173 nəfər öldü.
Türkiyədə
2003-cü ildə İstanbulda sinaqoqa və banka edilən terror hücumlarında da ammonium nitrat istifadə edilib.Dörd fərqli yerdə baş verən hücumlarda 59 nəfər həyatını itirdi, 400 nəfər yaralandı.