Avqustun 4-də Respublikaçı Alternativ Patiyasının (ReAL) onlayn təsis qurultayı keçirilib. Bu barədə arqument.az-a qurultayın təsis etdiyi Siyasi Komitənin üzvü Natiq Cəfərli məlumat verib.
N.Cəfərli deyib ki, qurultaya 108 nümayəndə seçilsə də, müzakirədə 98 nəfər iştirak edib.
Qurultayda partiyanın nizamnaməsi və proqramı qəbul edildi. Siyasi Komitə təsis edildi və üzvlər seçildi. Sədri də Siyasi Komitə seçəcək”
deyə N.Cəfərli vurğulayıb.
Siyasi Komitəyə kimlər üzv seçilib:
- İlqar Məmmədov
- Erkin Qədirli
- Natiq Cəfərli
- Rəsul Cəfərov
- Zaur Qurbanlı
- Mahmud Mahmudov
Qurultayda 5 nəfər Nəzarət-Təftiş Komissiyası seçildi. NTK rotasiya üsulu ilə hər 3 aydan bir dəyişdiriləcək. Bütün qurultay nümayəndələri yaxın 4 il ərzində növbəti qurultaya qədər NKT-nın üzvü olacaqlar”
N.Cəfərli deyib.
İyulun 1-də İlqar Məmmədov Prezident Administrasiyasının Siyasi partiyalar və qanunverici orqanla iş üzrə şöbəsinin müdiri Ədalət Vəliyevlə görüşüb. Görüş zamanı Ə.Vəliyev bildirib ki, pandemiyaya görə təsis qurultayının adi qaydada keçirilməsi mümkün deyil, buna görə də videokonfrans rejimində keçirilən təsis qurultayı dövlət qeydiyyat üçün əsas kimi götürə bilər.
ReAL barədə: 2009-cu ildə hərəkat olaraq təsis edilən ReAL 2018-ci ilin aprelində onların onlayn təsis qurultayı keçirib. Qurultaydan sonra sənədlər Ədliyyə Nazirliyinə təqdim olunmadı, buna görə də partiya ikinci dəfə təsis qurultayı keçirib.
