Bakı-Sumqayıt avtomobil yolunun genişləndirilməsi işləri ilə əlaqədar Bakı-Xırdalan-Sumqayıt istiqamətində elektrik qatarlarının hərəkəti müvəqqəti olaraq dayandırılır.
“Azərbaycan Dəmir Yolları”nın məlumatına görə, qatarlar avqustun 10-dan noyabrın 10-dək hərəkətdə olmayacaq.
Bakı-Sumqayıt yolunun genişləndirilməsi işləri Azərbaycan Avtomobil Yolları Dövlət Agentliyi tərəfindən həyata keçirilir.
Xırdalan dairəsində yerləşən dəmir yolu körpüsü genişləndirmə işlərinə maneçilik törətdiyindən söküləcək və onun yerində yeni biraşırımlı tağlı dəmir yolu körpüsü inşa olunacaq.
Sərnişinlər hansı alternativ vasitədən istifadə edəcək: Bu müddətdə Sumqayıta gedən və ya oradan gələn sərnişinlər Bakı-Pirşağı-Sumqayıt istiqamətində hərəkət edən elektrik qatarlarından istifadə edə biləcəklər.