Azərbaycan Xalq Cəbhəsi Partiyasının sədri Əli Kərimlinin sürücüsü Paşa Umudova hökm oxunub. Azadlıq Radiosunun xəbərinə görə, Nərimanov rayon Məhkəməsinin hökmü ilə Paşa Umudov 4 il 6 ay müddətinə azadlıqdan məhrum edilib.
Paşa Umudov nədə ittiham olunur: Cinayət Məcəlləsinin 234.2 (narkotik maddə satışı) maddəsi
Nə vaxt həbs olunub: 2019-cu il oktyabrın 16-da. Partiya bəyan edib ki, P.Umudov siyasi fəaliyyətinə, o cümlədən Ə.Kərimlinin sürücüsü olduğuna görə həbs olunub. Oktyabrın 19-da Milli Şura Bakı Şəhər İcra Hakimiyyəti ilərazılaşdırılmamış aksiya keçirməyə cəhd edib.
P. Umudov ittihamları rədd edir. O, hökmdən öncə son sözündə deyib ki, Milli Şuranın ötən il oktyabrın 19-da keçirdiyi mitinqdən sonra həbs olunacağını gözləyirdi:
Mitinq öncəsi, hər an həbs olunacağını gözləyən bir adamın cibində narkotik gəzdirməsi məntiqli deyil. Mənə bəraət verilməlidir. Bu iş siyasi işdir.”
