SOCAR-ın “Azərikimya” İstehsalat Birliyinin Sumqayıt Etilen-propilen zavodunda yanğın baş verib. Fövqəladə Hallar Nazirliyinin məlumatına görə, avqustun 7-dı baş verən yanğın zamanı səkkiz nəfər xəsarət alıb.
Xəsarət alanlar arasında həm SOCAR-ın, həm podradçı “Azfen” şirkətinin əməkdaşları var. Onların vəziyyəti orta ağır olaraq dəyərləndirilir.
Yanğının geniş əraziyə yayılmasının qarşısının alındığı və söndürülməsi istiqamətində işlər aparıldığı deyilir.
İlkin versiya nədir: İlkin ehtimala görə, hadisə podradçı tərəfindən aparılan qaynaq işləri zamanı alışma baş verib. Lakin, bunun araşdırmalardan sonra dəqiqləşdiriləcəyi bildirilir. Zavoda zərər dəyməyib.
