Azərbaycan Xalq Cəbhəsi Partiyasının Rəyasət Heyətinin üzvü Məmməd İbrahimin oğlu Mehdi İbrahimov aclıq aksiyasına başlayıb.
Bu barədə avqustun 12-də M.İbrahimovun qardaşı Turan İbrahim məlumat yayıb.
Mehdi İbrahimov xəbər göndərib ki, yanıma yemək gətirməyin. 3 gündür yemək yemir, aclıq aksiyası başladıb, cəmi 1 dəfə evə 1 dəqiqəlik zəng edib”
deyə T.İbrahim bildirib.
Nə baş verib: Mehdi İbrahimov Cinayət Məcəlləsinin 139-1.1 (epidemiya əleyhinə rejimin, sanitariya-gigiyena və ya karantin rejimlərinin pozulması) maddəsilə – koronavirus yaymaqda ittiham olunur. Ailə üzvləri bu ittihamı rədd edir və onun iyulun 15-də Qarabağa dəstək yürüşündə iştirakına görə saxlandığını deyir.
M.İbrahimov futbol məşqçisidir. Onun atası və 2 qardaşı AXCP üzvüdür.
