Ombudsman yanında Milli Preventiv Qrupun üzvləri Bakı İstintaq Təcridxanasında və İxtisaslaşdırılmış Müalicə Müəssisəsinə baş çəkiblər.
Ombudsman Aparatının avqustun 14-də yaydığı məlumatda deyilir ki, onlar bir çox müttəhimlərlə görüşüblər.
İstintaq Təcridxanasında kimlərlə görüş olub: Fuad Qəhrəmanlı, Məmməd İbrahim, Asif Yusifli, Bəxtiyar İmanov, Ayaz Məhərrəmov, Telman Seyfullayev, Seymur Əhmədov, İsmayıl Həsənov, Ceyhun Novruzov, Məhəbbət Nağıyev və Fərid Abadovla (Abadovdan başqa digərlərinin hamısı AXCP üzvləridir)
İxtisaslaşdırılmış Müalicə Müəssisəsində kimlərlə görüş olub: Mehdi İbrahimov, Nicat İbrahim, Nicat Əlizadə, Vüqar Vəliyev (ictimai fəallar) və Məhəmməd İmanlı (AXCP üzvü)
Məlumatda deyilir ki, həbs olunanlar rəftar və saxlanma şəraitindən şikayətlənməyiblər:
Onların istintaqla bağlı qaldırdıqları məsələlərlə dair hüquqi məsləhətlər verilib. Yalnız Mehdi İbrahimov istintaqın gedişindən narazılığını bildirərək qida qəbulundan imtina etdiyini deyib. O həmçinin sağlamlıq vəziyyətindən şikayət edib”.
Məlumatda bildirilir, ombudsmanın adına ərizələr qəbul edilib, bəzi məsələlər yerində həll olunub.
