Belarusda avqustun 9-da keçirilmiş prezident seçkilərində hazırkı prezident Aleksandr Lukaşenkonun əsas rəqibi olmuş Svetlana Tixanovskaya yeni video müraciət yayıb. O, ölkəsinin milli lideri olmağa hazır olduğunu bəyan edib:
Ölkənin sakitləşməsi və normal ritminə dönməsi üçün cavabdehliyi öz üzərimə götürməyə və milli lider kimi davranmağa hazıram”.
Tixanovskaya bütün siyasi məhbusların sərbəst buraxılmasını, həmçinin dünya birliyi tərəfindən qeyd-şərtsiz qəbul ediləcək həqiqi, ədalətli və şəffaf seçkilərin təşkili üçün qanunvericilik layihəsi hazırlamağı tələb edib.
Mənim siyasətçi olmaq fikrim yox idi, lakin taleh elə qərar verdi ki, mən etirazların önündə yer aldım Taleh və siz. Siz mənə inandınız və mənə güc verdiniz. İndi cəsarətinizə, özünütəşkilatınıza və işıqlı davranışınıza heyranam. Biz hamımız 26 il əvvəl düşdüyümüz bu dairədən çıxmaq istəyirik”
deyə Tixanovskaya bildirib.
Tixanovskaya Belarusu avqustun 10-u axşam saatlarında tərk edib. O, bir neçə saat MSK-da yüksək vəzifəli məmurlar tərəfindən saxlanılandan sonra buraxılıb. Ardınca isə video müraciət yayaraq “çoxlarının bu qərara nifrət edəcəklərini” və bunu uşaqlarına görə etdiyini bildirib. O, MSK-dakı söhbətin təfərrüatlarını və ya birbaşa təhdid olunduğu barədə danışmayıb.
