Ümumdünya Səhiyyə Təşkilatı pandemiya səbəbiylə hökumətləri artıq karantin tətbiq etməməyə çağırıb. Bu barədə avqustun 17-də təşkilatın baş epidemioloqu Maria Van Kerkhove açıqlama verib.
Pandemiyanın artıq bütün dünyaya yayıldığı vaxtda sərhədlər bağlandı, ÜST bunu doğru addım kimi qiymətləndirdi.
Əvvəlcə ÜST mütəxəssisləri sağlam insanların tibbi maskaya ehtiyac duymadıqlarını bildirdi, ardınca hər kəsə istisnasız olaraq maska taxmağı tövsiyə etdi.
Uzun müddətdir ki, ÜST dünyanın demək olar ki, bütün ölkələrinə ciddi karantin rejimi tətbiq etməyi məsləhət görürdü. İndi isə qurumun baş epidemioloqu koronavirusun ikinci və sonrakı dalğalarında karantinin yolverilməz olduğunu elan edir. ÜST bunu belə izah ki, karantinin iqtisadi nəticələri tibbi nəticələrindən daha çoxdur. ÜST bu pandemiyada maska taxmaq və sosial məsafəni saxlamağın kifayət olduğunu bəyan edir.
