Belarus prezidenti Aleksandr Lukaşenko Qərbi Belarusdakı aksiyaları maliyyələşdirməkdə ittiham edib.
BelTa yazır ki, bu barədə Lukaşenko Belarus Təhlükəsizlik Şurasının iclasında deyib.
“Qərb dövlətləri artıq bilavasitə, gizlətmədən vəsait toplandığını elan edir və onu Belarusa göndərirlər. Biz bunun fərqindəyik. Düzdür, bura gələn bütün vəsaitləri izləyə bilmirik, çünki vəsaitin xeyli hissəsi nağd şəkildə ölkəyə daxil olur. Lakin biz bunu bilirik və diqqətimizi bu məsələyə yönəldəcəyik”- deyə A.Lukaşenko bildirib.
A.Lukaşenko Avropa İttifaqının liderlərini Belarusdakı vəziyyəti müzakirə etməməyə, öz ölkələrindəki problemlərə diqqət yetirməyə çağırıb.
Lukaşenko yeni seçkilərin keçirilməsindən qəti şəkildə imtina edir. O, bəyan edir ki, heç vaxt təzyiq altında bir şey etməyəcək. Onun sözlərinə görə, ölkədəki seçkilər “sivil qaydada” keçirildi və MSK-dan aldığı məlumatlara görə, aldığı səslərin 80% -i saxtalaşdırılmayıb.
