Bakıda iyulun 14-də orduya dəstək yürüşü ilə bağlı saxlanılan Mehdi İbrahimov ev dustaqlığına buraxılıb. Bu barədə avqustun 19-da onun vəkili Aqil Layıcov məlumat yayıb.
Vəkil bildirib ki, M.İbrahimovun həbsindən verilən şikayətə Bakı Apelyasiya Məhkəməsində baxılıb və onun ev dustaqlığına buraxılmasına qərar verilib.
Mehdi İbrahimov nədə ittiham olunur: M.İbrahimov iyulun 15-də orduya dəstək yürüşündən qayıdarkən saxlanılıb. Bir gün sonra bölmədə onun Məmməd İbrahimin oğlu olduğunu biləndə buraxmayıblar. O, atasının siyasi fəaliyyətinə görə cəzalandırılıb.
O, CM-in 139-1 maddəsi ilə – koronavirus olduğu halda, küçəyə çıxıb başqalarına təhlükə yaratmaqda İttiham olunurdu. İddiaya görə, o, iyulun 20-də axşam saatlarında karantin rejimi qaydalarını pozduğuna görə saxlanılıb. Polis bölməsinə gətirilib test aparılandan sonra onda koronavirus aşkarlanıb.
