Kürdəmir rayonunun icra başçısı Ceyhun Cəfərov barəsində həbs qətimkan tədbiri seçilib.
APA yazır ki, Binəqədi rayon Məhkəməsində C.Cəfərov barəsində həbs qətimkan tədbirinin seçilməsinə dair istintaq orqanı tərəfindən verilmiş təqdimata baxılıb. Məhkəmə təqdimatı təmin edərək təqsirləndirilən şəxs barəsində 4 ay müddətinə həbs qətimkan tədbiri seçilib.
Nə baş verib: Ceyhun Cəfərov Baş prokuror yanında Korrupsiyaya Qarşı Mübarizə Baş İdarəsi tərəfindən avqustun 19-da keçirilən əməliyyat nəticəsində saxlanılıb.
Nədə ittiham olunur: C.Cəfərov Cinayət Məcəlləsinin 308.2-ci (vəzifə səlahiyyətlərindən sui-istifadə), 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma), 311.3.2-ci (rüşvət alma – təkrar törədildikdə) və 311.3.3-ci (rüşvət alma – külli miqdarda törədildikdə) maddələri ilə ittiham olunur.
Son bir neçə ayda həbs olunan icra başçıları:
- Biləsuvarın icra başçısı Mahir Quliyev
- Neftçalanın icra başçısı İsmayıl Vəliyev
- Ağstafanın icra başçısı Nizaməddin Quliyev
- Yevlaxın icra başçısı Qoca Səmədov
- Qobustanın icra başçısı Rafiq Alışov
- İmişlinin icra başçısı Vilyam Hacıyev
