Türkiyənin İstanbul şəhərindəki Ayasofya kilsəsi ibadətə açıldıqdan sonra daha bir kilsə məscidə çevrilir.
BBC yazır ki, 6-cı əsrdə inşa edilən, mozaika və freskaları ilə məşhur olan Kariye muzeyi prezident Rəcəb Tayyib Ərdoğanın fərmanı ilə ibadətə açılır.
Kariye Kilsəsi 1511-ci ildə 2-ci Bəyazidin böyük vəziri Atik Əli Paşa tərəfindən məscidə çevrilib. Nazirlər Sovetinin 1945-ci ildə alınan qərarı ilə kilsə Milli Təhsil Nazirliyindən ayrıldı və muzeyə çevrildi. Kilsədə 1948-ci,1958-ci və 2013-cü bərpa işləri bərpa işləri aparılıb.
Nə baş verib: İyulun 10-da Türkiyədə dövlət idarəçiliyi ilə bağlı işlərə baxan Danıştay məhkəməsi İstanbuldakı Ayasofya məbədinin muzeydən məscidə çevrilməsi ilə bağlı qərar verib. Ayasofyanın muzeyə çevrilməsi barədə qərar Türkiyə Cümhuriyyətinin qurucusu Mustafa Kamal Atatürk tərəfindən qəbul edilmişdi.YUNESKO-nun Dünya İrs Siyahısında yer alan Ayasofyanın yenidən ibadətə açılması təklifini prezident Ərdoğan gündəmə gətirmişdi.
