Rusiyalı müxalif siyasətçi Aleksey Navalnı Omsk xəstəxanasından hava limanına gətirilərək oradan Almaniyaya yola salınıb. Bu barədə Navalnının mətbuat katibi Kira Yarmış avqustun 22-də məlumat yayıb.
Mətbuat katibinin sözlərinə görə, onu Alman həkimlər qrupu və həyat yoldaşı Julia müşayiət edib.
Dünən, avqustun 21-də həkimlər Omskdakı xəstəxanadan çıxarmağın mümkünsüz olduğunu deyirdilər..Həkimlər bunu belə əsaslandırırdı ki, onun vəziyyəti stabil deyil və hər hansı bir nəqliyyat vasitəsi vəziyyətini ağırlaşdıra bilər.
Nə baş verib: Navalının halı avqustun 20-də Moskvaya uçuş zamanı təyyarədə pisləşib. Təyyarə Omsk şəhərinə təcili eniş edib və Navalnı 2 gün komada keçirib. Tərəfdaşları ehtimal edir ki, onun çayına hansısa toksik maddə qatılıb.Omsk xəstəxanasının baş həkimi Navalnıya maddələr mübadiləsinin pozuntusu diaqnozu qoyub.
