Avqustun 20-də təyyarədə çay içdikdən sonra zəhərlənmə şübhəsi ilə xəstəxanaya aparılan Rusiyanın müxalif siyasətçi Aleksey Navalnı şənbə günü müalicə üçün Almaniyaya yollanıb.
Alman hakimiyyəti hesab edir ki, Navalnı “böyük bir ehtimal ilə” zəhərlənib. Reuters yazır ki, bu barədə Almaniya hökumətinin rəsmi nümayəndəsi Steffen Seibert bildirib.
Zəhərlənmə ehtimalı olduğundan onun qorunmasına ehtiyac var”
deyə Seibert qeyd edib.
Nə baş verib: Navalnının tərəfdaşları onu xaricə müalicə üçün göndərməkdə israr edirdilər. Onlar düşünürdülər ki, Qərbdə Navalnının şübhəli zəhərlənməsinə nəyin səbəb olduğu daha yaxşı tapılar. Rusiyalı həkimlər isə onu Omskdakı xəstəxanadan çıxarmağın mümkünsüz olduğunu demişdilər. Həkimlər bunu belə əsaslandırırdı ki, onun vəziyyəti stabil deyil və hər hansı bir nəqliyyat vasitəsi vəziyyətini ağırlaşdıra bilər.
