Cəbhənin Goranboy rayonu istiqamətində Ermənistan silahlı qüvvələrinin diversiya-kəşfiyyat qrupunun təxribat törətməyə cəhd göstərdiyi deyilir. Bu barədə Azərbaycan müdafiə nazirliyi avqustun 23-də məlumat yayıb. MN bildiririr ki, qarşı tərəfin itki verərək geri çəkilməyə məcbur edilib:
“
Döyüş zamanı erməni diversiya qrupunun komandiri, ilkin dindirməyə görə baş leytenant Qurgen Alaverdyan əsir götürülüb. Bir daha bildiririk ki, cəbhədə vəziyyətin gərginləşdirilməsinə görə bütün məsuliyyət bilavasitə Ermənistanın hərbi-siyasi rəhbərliyinin üzərinə düşür ”.
Ermənistan tərəfi nə deyir: Ermənistan müdafiə nazirliyinin mətbuat katibi Şuşan Stepanyanın verdiyi məlumata görə, döyüş postlarını yoxlayarkən zabit Qurgen Alaverdyan əlverişsiz hava şəraiti səbəbindən azıb və itkin düşüb. Nazirlik rəsmisi zabitin diversiya qrupunun rəhbəri olması ilə bağlı məlumatı dezinformasiya adlandırıb.
