Rusiya prezidentinin mətbuat katibi Dmitri Peskov jurnalistlərə bildirib ki, Kreml hazırda Aleksey Navalnı ilə bağlı cinayət işinin başlanmasına heç bir səbəb görmür.
“Əvvəlcə buna səbəb olan maddə müəyyən edilməlidir. Yəni, istintaq üçün bir səbəb olmalıdır. Tək bildiyimiz xəstənin hazırda komada olmasıdır”.
Peskov Qərbi Navalnının halının pisləşməsinin tək səbəbinin zəhərlənmə olması kimi təqdim etməyə çalışdığına görə tənqid edib.
Kreml Aleksey Navalnının zəhərlənməsində Rusiya rəhbərliyinə qarşı irəli sürülən ittihamları “boş səs-küy” adlandırır və bu ttihamları ciddi qəbul etmir.
Rusiyanın müxalif siyasətçi Aleksey Navalnı şənbə günü müalicə üçün Almaniyaya yollanıb.
Almaniya rəsmilərinin dünın yaydıqları açıqlamada deyilirdi ki, Navalnı “böyük bir ehtimal ilə” zəhərlənib və zəhərlənmə ehtimalı olduğundan onun qorunmasına ehtiyac var.
Nə baş verib: Navalının halı avqustun 20-də Moskvaya uçuş zamanı təyyarədə pisləşib. Təyyarə Omsk şəhərinə təcili eniş edib. Tərəfdaşları ehtimal edir ki, onun çayına hansısa toksik maddə qatılıb. Omsk xəstəxanasının baş həkimi Navalnıya maddələr mübadiləsinin pozuntusu diaqnozu qoyub.
