Tükiyənin Çağdaş Hüquqşünaslar Dərnəyinin (ÇHD) vəkillərindən biri Ebru Timtik 5 ay əvvəl başlatdığı ölüm aclığından sonra avqustun 27-də həyatını itirib. BBC yazır ki, E.Timtik 238 gün əvvəl ədalətli mühakimə olunmasını tələb edərək aclıq aksiyasına başlamışdı.
İstanbul vəkillər kollegiyasının üzvü Ebru Timtik və Ankara vəkillər kollegiyasının üzvü Aytaç Ünsal silahlı terror təşkilatına üzv olduqları iddiasıyla 2018-ci ilin sentyabrında həbs olunmuşdular.
İstanbul Ağır Cinayətlər Məhkəməsi 2019-cu il martında E.Timtik və A.Ünsal da daxil olmaqla 18 vəkil barəsində hökm çıxarıb.
Vəkillər barəsində ümumilikdə 15 gün, 3 il 1 ay və 18 il 9 ay aralarında dəyişən 159 il həbs cəzası verilib.
Barəsində 13 il 6 ay həbz qərarı verilən E.Timtik və bəzi vəkillər fevralın 5-də aclıq aksiyasına başladılar. Silivri həbsxanasında saxlanılan E.Timtik 5 aprel tarixində aclıq aksiyasını ölüm aclığına çevirdiyini açıqladı.
Ebru Timtik Soma hadisəsi, Berkin Elvan və Engin Ceber kimi işlərin vəkilliyini həyata keçirirdi.
