Latviya, Litva və Estoniya prezident Aleksandr Lukaşenko və Belarusun digər 29 rəsmisinə səyahət qadağasını rəsmiləşdirib. Reuters yazır ki, bu 3 Baltikyanı dövlət Qərbi 26 illik hakimiyyətini uzatmaq üçün seçkiləri saxtalaşdırmaqda ittiham etdiyi Lukaşenkoya qarşı daha sərt addımlar atmağa çağırıb.
Sanksiyalar səsləri saxtalaşdırmaqda və 9 Avqust seçkilərindən bəri etirazçılara qarşı zor tətbiq etməkdə günahlandırılan rəsmilərə qarşı yönəlib. Lukaşenkonun siyahıya daxil edilməsi şəxsən ona qarşı görülən tədbirləri dəstəkləməkdən çəkinən digər Avropa ölkələrinə bir mesajdır.
Moskvanın müttəfiqi olan Lukaşenko seçki saxtakarlığını rədd edir və etirazçıların xaricdən dəstəkləndiyini söyləyir.
Litva prezdienti Gitanas Nauseda bildirib ki, rejim ilə xalq arasında sülh dialoquna ve razılığa ehtiyacımız olduğunu desək də, rejimin buna hazır olmadığını gördük:
Daha da irəli getməli və digər ölkələrə örnək olmalıyıq”.
Avropa Birliyi də oxşar sanksiyaları üzərində işləyir. Lakin Qərb ölkələri daha çox Rusiyasın müdaxiləsindən ehtiyat edirlər.
Ötən həftə Kreml Belarusa müdaxilə edə biləcək ehtiyat qüvvəsi yaratdığını elan etdi. Kremlin sözçüsü Dmitri Peskov ehtiyat qüvvəsinin hələ də hərəkətə keçməsinə ehtiyac olnadığını deyib.
