Belarus müxalifətinin Koordinasiya Şurası rəyasət heyətinin üzvü Mariya Kolesnikovanı hakimiyyəti ələ keçirmək cəhdində ittiham olunur.
Bu barədə Minskdəki təcridxanada Kolesnikovaya baş çəkən vəkil Lyudmila Kazak məlumat yayıb.
Hansı maddə ilə: Kolesnikovanın atası Aleksandr RİA Novosti-ə bildirib ki, qızı Belarus Cinayət Məcəlləsinin 361-ci maddəsinin 3-cü bəndi ilə (milli təhlükəsizliyə zərər verən hərəkətlərə çağrış) ittiham olunaraq həbs olunub. Bu maddə ilə təqsirli bilinərsə, Kolesnikovanı 2 ildən 5 ilə qədər həbs cəzası gözləyir.
Vəziyyəti necədir: Vəkilin sözlərinə görə, Kolesnikova hazırda 6 nəfərlik kameradadır və sərhəddə baş verənlərdən sonra özünə gəlməyə çalışır. Kalesnikovanın nəzarətdə neçə müddət saxlanıldığı hələki məlum deyil.
Nə baş verib: M.Kolesnikova sentyabr 7-də Minskdə naməlum şəxslər tərəfindən qaçırılıb. 1 gün sonra Belarusun hökumət mediası Kolesnikovanın Ukrayna ilə sərhəddə tutulduğunu bildirdi. Tərəfdaşlarının sözlərinə görə, Kolesnikovanı Belarusdan zorla çıxartmağa çalışıblar, lakin o pasportunu cırıb və bunun qarşısını alıb. Sentyabrın 9-da isə onun Volodarsky küçəsindəki 1 saylı Minsk istintaq təcridxanasında saxlandığı məlum olub.
