Səbail Rayon Məhkəməsində Azərbaycan Demokratiya və Rifah (ADP) Hərəkatı İdarə Heyətinin üzvü Hüseyn Məlik 15 sutka həbs cəzası alıb.
ADP-dən Turan-a bildirilən məlumata görə, H.Məlik sentyabrın 10-u axşam saatlarında heç bir səbəb göstərilmədən polis bölməsinə aparılıb. Sentyabrın 11-də isə Səbail Rayon Məhkəməsinə gətirilib.
Nədə ittiham olunur: İnzibati Xətalar Məcəlləsinin 535.1 (Polisin və ya hərbi qulluqçunun qanuni tələbinə qəsdən tabe olmama) maddəsini pozmaqda təqsirli bilinib.
ADR nə deyir: Hərəkat H.Məlikin polisə müqavimət göstərməyə görə həbs edilməsini əsassız sayır və onun həbsinin səbəbini “Facebook”dakı tənqidi statusları olduğunu bəyan edir.
ADR Hərəkatı 2015-ci ildə təsis edilib və sədri iqtisadçı, Müsavat partiyasının keçmiş üzvü Qubad İbadoğludur.
