Belarus müxalifətinin lideri Svetlana Tixanovskaya deyib ki, Aleksandr Lukaşenko hakimiyyəti dinc yolla tərk edəcəyi təqdirdə ona təhlükəsizlik zəmanəti verəcək. Bu barədə “Levıy bereq”ə müsahibəsində danışan lider bildirib ki, bunlar hamısı mübahisəli məsələlərdir:
Əminəm ki, Lukaşenko xoşluqla getsə, – bu, mümkün ola biləcək bir ehtimaldır – o zaman mən hər kəsin adından danışa bilərəm. Təbii ki, bu məsələdə bütün insanların fikri nəzərə alınacaq”.
Lukaşenkonun təhlükəsizliyinin zəmanət altında olacağı barədə suala Tixanovskaya belə cavab verib:
Bəli, hətta daha çox “.
Nə baş verir: Avqust 9-da Belarus Mərkəzi Seçki Komissiyası prezident seçkilərinin nəticələrini açıqlayandan sonra kütləvi etirazlar başlayıb. Svetlana Tixanovskayanın rəhbərlik etdiyi müxalifət səsvermənin nəticələrini tanımadığını açıqlayıb. Müxalifət ölkədə hakimiyyətin dinc yolla ötürülməsinə hazırlıq məqsədilə Koordinasiya Şurası yaradıb. Buna cavab olaraq Belarus İstintaq Komitəsi hakimiyyəti ələ keçirmək çağırışları ittihamı ilə bağlı cinayət işi açıb.
