Rusiyanın müxalif lideri, Anti-Korrupsiya Fondunun rəhbəri Aleksey Navalnı Nobel sülh mükafatına namizəd göstərilib.
Bu barədə rusiyalı alim, Nyu-Cersidəki “Rutgers” Universitetinin professoru Sergey Erofeev məlumat yayıb.
Erofeevə görə, Navalnı bu mükafata Rusiyada fəaliyyət göstərən tanınmış universitetlərin bir sıra professorları tərəfindən namizəd göstərilib.
O, konkret ad çəkməsə də, Navalanını namizəd göstərənlər arasında “böyük adamlar” olduğunu qeyd edib.
Nə baş verib: A.Navalnı avqustun 20-də Sibirdən Moskvaya uçarkən onun halı pisləşib, təyyarə Omskda təcili eniş etməli olub. Müxalifətçi Omskda xəstəxanada iki gün qalandan onra Almaniyaya aparılıb.
Almaniya rəsmilərinə görə, A.Navalnı “”noviçok” sinifindən olan sinir qazl ilə zəhərlənib. 2 həftədən çox komada qalan siyasətçi müalicəsini Berlindəki “Charite”klinikasında davam etdirir. Rusiya hakimiyyəti siyasətçinin zəhərləndiyi iddialarını inkar edir.
Nobel sülh mükafatına kimlər namizəd göstərilə bilər: Dünyanın hər hansı bir universitetinin professoru Nobel Sülh Mükafatına namizəd göstərə bilər, namizəd olmaq üçün konkret tələblər yoxdur. Bundan əlavə, hökumət və parlament nümayəndələri, dövlət başçıları və bəzi digər kateqoriyalardakı şəxslər namizəd göstərə bilər.
Rusiyadan bu mükafatı kimlər qazanıb: İndiyə qədər heç bir rus Nobel sülh mükafatı almayıb. Sovet İttifaqı dövründə isə bu mükafat Andrey Saxarov (1975) və Mixail Qorbaçova (1990) verilib.
