Rusiyanın müxalif siyasətçisi Aleksey Navalnı 1 gün öncə Berlində müalicə aldığı “Charite” xəstəxanasından evə buraxılıb.
“Meduza” yazır ki, bu barədə xəstəxananın rəsmi saytı məlumat yayıb.
Xəstənin vəziyyəti o qədər yaxşılaşdı ki, o, xəstəxanadan çıxdı. Aleksey Navalnı “Charite”də 32 gün müalicə aldı, bunun 24 günü reanimasiyada keçdi. Xəstənin mövcud vəziyyətinə əsasən, həkimlər onun tam sağaldığını düşünür. Lakin onun zəhərlənməsinin gələcəkdəki uzunmüddətli nəticələrini qiymətləndirmək hələ tezdir ”
deyə xəstəxananın məlumatında bildirilir.
Nə baş verib: A.Navalnı avqustun 20-də Sibirdən Moskvaya uçarkən halı pisləşib, təyyarə Omskda təcili eniş etməli olub. Müxalifətçi Omskdakı xəstəxanada iki gün qalandan onra Almaniyaya aparılıb.
Almaniya rəsmilərinin məlumatına görə, A.Navalnı “”noviçok” sinfindən olan sinir qazı ilə zəhərlənib. Rusiya hakimiyyəti siyasətçinin zəhərləndiyi barədə iddiaları inkar edir.
