Rusiya prezidenti Vladimir Putin Nobel sülh mükafatına namizəd göstərilib. “Meduza” yazır ki, mükafat komitəsinə bu barədə müraciət rus yazıçısı Sergey Komkov tərəfindən göndərilib.
Putinin mətbuat katibi Dmitri Peskov Kremlin təşəbbüsü necə qiymətləndirməsi sualını cavablandırarkən deyib ki, belə təşəbbüs müxtəlif insanlar tərəfindən verilə bilər:
Məhz bu nümunədə yazıçının şəxsi təşəbbüsüdür. Namizədlərin nəzərdən keçirilməsi üçün xüsusi prosedur var. Əgər Putinin namizədliyi qeydə alınsa, möhtəşəm olar. Qəbul olunmasa da, “qorxulu” heç nə yoxdur”.
Əvvəl də namizəd göstərilib: V.Putin 2013-cü ildə də Dövlət Dumasının deputatı İosif Kobzon və Xalqların Ruhani Birliyi və İşbirliyi Akademiyası tərəfindən Nobelə namizəd göstərilmişdi. Onların fikrincə, Putin Suriya münaqişəsinin həllində fəal iştirakına və ABŞ-ın Suriyaya hərbi təcavüzünü dayandırmaq cəhdinə görə bu mükafata layiq idi.
Bundan əvvəl Nyu-Cersidəki “Rutgers “ universitetində çalışan rusiyalı alim Sergey Erofeev siyasətçi Aleksey Navalnının Nobel sülh mükafatına namizəd olduğunu açıqlamışdı. Erofeevə görə, bu barədə müraciət “tanınmış universitetlərdən Rusiyada məşğul olan bir sıra professorlar tərəfindən göndərilib”.
