ABŞ-da Afrika-Amerikalı vətəndaş Corc Floydun ölümündə ittiham olunan keçmiş polis işçisi Derek Çoven 1 milyon dollar təzminat müqabilində sərbəst buraxılıb.
Onun qeyd-şərtsiz sərbəst buraxılması üçün 1 milyon 250 min ABŞ dolları, şərti azadlıq üçün isə 1 milyon dollar təyin olunmuşdu.
Vaxtından əvvəl azad edilmənin şərti kimi ona polis kimi işləmək və öldürməkdə ittiham olunduğu Corc Floydun ailəsi ilə əlaqə qurmaq qadağandır.
Nə baş verib: D.Çoven mayın 25-də Minnesota ştatındakı Minneapolis şəhərində C.Floydu saxlayıb və onun saxlanılan şəxslə necə davrandığını göstərən video yayılıb. Həmin videoya görə, polis dizini Floydun boynuna sıxıb və 9 dəqiqə ərzində onu buraxmayıb. Bu zaman Floyd dəfələrlə “Nəfəs ala bilmirəm” desə də vəziyyətdə heç bir dəyişiklik olmayıb və o, həyatını itirib. Yayılan görüntülər ölkədəki polis zorakılığı və irqçiliyə qarşı genişmiqyaslı etiraz aksiyalarının başlamağına səbəb oldu.
Polis nədə ittiham olunur: Derek Çoven 2-ci və 3-cü dərəcəli qətl və qəsdən adam öldürmə maddəsi ilə ittiham olunu
