Ermənistan silahlı qüvvələri tərəfindən mülki əhaliyə edilən hücumlar nəticəsində həlak olanların sayı 92-ə çatıb.
Baş Prokurorluğun məlumatına görə, oktyabrın 28-də Bərdə şəhərinin raket atəşinə tutulması nəticəsində xəsarət almış 1995-ci il təvəllüdlü Paşayev Niftalı bu gün müalicə olunduğu xəstəxanada vəfat edib.
27-dən hazırkı vaxtadək Ermənistan SQ yaşayış məntəqələrini atəşə tutması nəticəsində 405 mülki şəxs yaralanıb, onlardan 43 nəfər ağır vəziyyətdə reanimasiyada stasionar müalicə olunur.
Atəşkəs pozulandan mülki əhaliyə edilən hücumlar nəticəsində:
- Gəncədə 26 nəfər həlak olub, 142 nəfər yaralanıb;
- Goranboyda 3 nəfər həlak olub, 10 nəfər yaralanıb;
- Naftalanın Qaşaltı-Qaraqoyunlu kənd sakinin evinə top mərmisinin düşməsi nəticəsində ailənin 5 üzvü həlak olub, 1 nəfər yaralanıb.
- Tərtərdə 17 nəfər həlak olub, 56 nəfər yaralanıb;
- Bərdədə 28 nəfər həlak olub, 95 nəfər yaralanıb;
- Beyləqanda 2 nəfər həlak olub, 2 nəfər yaralanıb;
- Ağcabədidə 1 nəfər ölüb, 19 nəfər yaralanıb;
- Füzulidə 3 nəfər həlak olub, 17 nəfər yaralanıb;
- Ağdamda 7 nəfər həlak olub, 40 nəfər yaralanıb;
- Mingəçevirdə 5 nəfər yaralanıb;
- Daşkəsəndə 1 nəfər yaralanıb;
- Qəbələ rayonunda 1 nəfər yaralanıb.
Bundan başqa, 502 mülki obyekt, 100 çoxmənzilli yaşayış binası və 2 971 yaşayış evi yararsız vəziyyətə düşüb.
Nə baş verib: Sentyabrın 27-də səhər saatlarından Azərbaycan və Ermənistan silahlı qüvvələrinin təmas xətlərində atəşkəs pozulub. Azərbaycan bu müddət ərzində 4 rayon və 170-ə yaxın kəndi işğaldan azad etdiyini bəyan edib. Tərəflər arasında 3 dəfə humanitar atəşkəs razılığı imzalansa da, cəbhənin müxtəlif istiqamətlərində döyüşlərin davam etdiyi deyilib. Hər iki tərəf bir-birini atəşkəsi pozmaqda ittiham edir.
