Gürcüstan Rusiya hərbi hava qüvvələrinin təyyarələri üçün hava məkanını açıb. Bu barədə SOVA təyyarə uçuşlarını izləyən “Flightradar24” resursunun məlumatlarını analiz edəndən sonra məlumat yayıb.
Göründüyü kimi, uçuşlar Dağlıq Qarabağdakı sülhməramlı missiyanın bir hissəsi kimi həyata keçirilib. Noyabrın 10-u və 11-də Gürcüstan səmasında Rusiyadan Ermənistana gedən və geri dönən ağır hərbi nəqliyyat olan İL-76 qeydə alınıb”
məlumatda deyilir.
Xəbərdə deyilir ki, uçuşların biri Rusiya hərbi hava qüvvələrinin strateji aviasiya bazasının yerləşdiyi Mozdokdan həyata keçirilib. Digər bir uçuş isə “Şərq” (“Восточный”) hava limanının bazasında 235-ci hərbi-nəqliyyat aviasiya alayının yerləşdiyi Ulyanovskdan baş tutub.
Rusiya mətbuatı yazır ki, təkcə noyabrın 10-da sülhməramlıları daşıyan ən azı 6 təyyarə Ulyanovskdan qalxıb.
Qarabağ müharibəsinin aktiv mərhələsində Gürcüstan hakimiyyəti hər hansı bir ölkədən Ermənistana və ya Azərbaycana hərbi yüklərin daşınması üçün hava məkanının bağlandığını elan etmişdi.
2011-ci ildən bəri Ermənistanın Gümrü şəhərindəki Rusiya bazası üçün hərbi yüklərin tranzitinə qoyulan qadağa hələ də qüvvədədir.
Nə baş verib: Noyabrın 9-da Azərbaycan, Rusiya və Ermənistan rəhbıərləri Qarabağda bütün hərbi əməliyyatların dayandırılması ilə bağlı bəyanat imzalayıblar. elan olunur. Bəyanata əsasən, Qarabağla Ermənistanı birləşdirən dəhliz boyunca Rusiyanın sülhməramlı qüvvələri yerləşdirilir.
