Avropa Futbol Assosiasiyalarının İttifaq (UEFA) Azərbaycanın “Qarabağ” klubunun rəsmi nümayəndəsini qeyri-idman xarakterli insidentlərə və sosial mediada irqçi davranışa görə cəzalandırıb.
“Reuters” yazır ki, UEFA-nın 26 noyabr tarixli qərarına görə, Nurlan İbrahimov futboldan ömürlük uzaqlaşdırılıb və “Qarabağ” klubu 100 min avro miqdarında cərimə edilib.
UEFA-nın bəyanatında deyilir ki, “Qarabağ”ın mətbuat katibi ilə bağlı qərarı qurumun Nəzarət, Etika və İntizam komitəsi verib.
Nə baş verib: Ermənistan tərəfinin Bərdə şəhərini raket atəşinə tutmasından sonra N.İbrahimov özünün “facebook” səhifəsində qarşı tərəf barədə nifrət nitqi səsləndirib.Bundan sonra UEFA-ya onun barəsində şikayət edilib.
Azərbaycan qanunvericiliyi bu barədə nə deyir: Yerli qanunvericiliyə əsasən, N.İbrahimovun davranışı İnzibati Xətalar Məcəlləsinin 388-1.1.1-ci maddəsi ilə məsuliyyət yaradır. O, sözügedən maddə ilə 500 manat cərimələnib.
