Azərbaycan və Ermənistan tərəfi əsirlərin “hamının hamıya” prinsipi ilə mübadiləsi barədə razılığa gəliblər.
Ermənistan baş naziri Nikol Paşinyan deyib ki, mübadilə Qarabağdakı son döyüşlərdən əvvəl əsir götürülənləri də əhatə edəcək.
Ən mühüm vəzifə əsirlərin geri qaytarılmasıdır. Bu sahədə müəyyən irəliləyiş var. Problem itkin düşənlərin axtarışıdır. Noyabrın 9-dan bəri münaqişə zonasından 600 əsgər cəsədi çıxarılıb, onlarıın 500-ü şəxsiyyəti müəyyənləşdirmə mərhələsindədir”.
Paşinyan bildirib ki, bu cəsədlərin itkin düşmüş erməni əsgərlərinə məxsus olduğu ehtimal edilir.
Şəxsiyyətin müəyyənləşdirilməsi üçün DNT testləri aparılır. Bu günə qədər 135 cəsədin şəxsiyyəti müəyyənləşdirilərək yaxınlarına təhvil verilib”
Paşinyan deyib.
Nə baş verib: Bu il sentyabrın sonunda Dağlıq Qarabağda hərbi əməliyyatlar yenidən başladı və 44 gün davam elədi. Tərəflər barışıq əldə etmək üçün bir neçə dəfə cəhd etdilər, lakin 9-dan 10-na keçən gecə əldə edilən üçtərəfli bəyanat uğurlu oldu.
Moskvanın vasitəçiliyi ilə Azərbaycan və Ermənistan atəşin tamamilə dayandırılması və əsirlərin və cəsədlərinin mübadiləsi barədə razılığa gəldilər.
Azərbaycan bu bəyanatı Ermənistanın təslim olması kimi qiymətləndirdi.
