Xüsusi təyinatlı tibbi dəstədən (MOSN) olan Rusiya sülhməramlıları Dağlıq Qarabağın Əsgəran bölgəsində çoxfunksiyalı həkim qrupları fəaliyyətə başlayıblar.
Rusiyanın müdafiə nazirliyinin dekabrın 7-də yaydığı məlumata görə, tibbi qrupların tərkibinə müxtəlif ixtisaslar üzrə həkimlər, ucqar kəndlərdə və bölgələrdə yerli əhaliyə yardım göstərən psixoloji xidmət mütəxəssisləri daxildir.
Yerli sakinlərin müraciətlər əsasən, müxtəlif xroniki xəstəliklər, ürək-damar və endokrin sistem xəstəliklərinin kəskinləşməsi və dişlərin müalicəsi ilə bağlıdır.
Hərbi cərrahlar, anestezioloq-reanimatoloqlar, terapevtlər və epidemioloqlar daxil olmaqla MOSN şöbələrində 60-dan çox tibbi mütəxəssis çalışır.
Nə baş verib: Rusiya, Azərbaycan və Ermənistanın birgə bəyanatında göstərilən razılaşmalara uyğun olaraq, noyabrın 10-dan etibarən atəşkəs elan edildi və Dağlıq Qarabağdakı bütün hərbi əməliyyatlar dayandı.
Ərazidə atəşkəsə və hərbi əməliyyatlara nəzarət etmək üçün Rusiya sülhməramlı kontingenti yerləşdirildi.
